Ains, zwai, drey
alt isch nit ney
ney isch nit alt
und warm isch nit kalt.
Kalt isch nit warm
ryych isch nit arm
arm isch nit ryych
und ungrad isch nit glyych.

Glyych isch nit ungraad
e Waage hett vier Raad
vier Raad hett e Waage
und Singe isch nit Saage.

Saage isch nit Singe
Fächte isch nit Springe
Springe isch nit Fächte
und Reh sinn kaini Hächte.

Hächte kaini Reh
Lyys sinn kaini Flee
Flee sinn kaini Lyys
und Reh sinn kaini Myys.

Myys sinn kaini Ratte
e Däller isch kai Platte
e Platte isch kai Däller
und e Stuube isch kai Käller.

E Käller isch kai Stuube
Grutt sinn kaini Riebe
Riebe sinn kai Grutt
aber d Sans Gêne isch e Hutt !