1,2,3, alt isch nit nei,
Nei isch nit alt und warm isch nit kalt.
Kalt isch nit warm, rych isch nit arm,
Arm isch isch nit rych und ungrad isch nit glych
Glych isch nit ungrad, e Wage het vier Rad,
Vier Rad het e Wage und singe isch sage.
Sage isch nit singe, fächte isch nit springe,
Springe isch nit fächte und Reh sin kaini Hächte.
Hächte sin kaini Reh, Lüüs kaini Flöh.
Flöh kaini Lüüs und e Ratte kaini Müüs.
Müüs sin kaini Ratte, e Däller isch kai Platte,
E Platte isch kai Däller und e Stube isch kai Käller.
Ruebe isch kai Grut und die Alti isch e Hutt!!

4, 5, 6, e Häsli isch kai Häx,
E Häx isch kai Häsli und e Humpe isch kai Wäsli,
E Wäsli isch kai Humpe, Gnoche kaini Lumpe,
Lumpe kaini Gnoche uns stingge isch nit groche.
Groche isch nit stingge, bummle isch nit dringge,
Dringge isch nit bummle und e Pfyffe isch kai Drummle.
E Drummle isch kai Pfyffe, gratze isch nit gryffe,
Gryffe isch nit gratze und Wanze kaini Katze.
Katze kaini Wanze, schmuuse isch nit danze,
Danze isch nit schmuuse und iberhogge isch nit pfuuse.
Pfuuse isch nit iberhogge, e Grage isch kai Sogge,
E Sogge isch kai Grage und bysse isch nit gnage.
Gnage isch nit bysse, e diggi Sau isch kai Sprysse,
E Sprysse kai diggi Sau

Und d’Sans Gêne: rau rädebau!