Die Alti Garde vo dr Sans Gêne doo,
het as aigeni Seggtion 1982 dr Betriib uf gnoo.
Männli und Wyybli wo zämme Fasnacht mache,
Gselligkeit pflääge, musiziere und lache.
Glych eb erscht vierzig bisch oder scho alt,
wichtig isch as dr s’Cliquelääbe gfallt.
S’pfyffe und drummle fangt im speetere Summer aa,
as es e Gattig macht und men  ys zueloose kaa.
Au wenn die vom Vortrab nid bebberle oder bloose,
me drifft sy allewyl aa, im Käller unde am loose.
Nimm ganz eso sträng wie no in junge Joore,
aber immer no mit Elan, ebbis fir musischi Oore.
D’Route und s’Repertoire sinn nimm so gross,
me trifft is aber allewyl no uf dr Strooss.
3 Dääg zämme Fasnacht mache,
e glatti Zyt ha und vyl zämme lache.
So mit Sujet, Goschdym und Cortège halt,
eso wien ys d’Fasnacht ebbe gfallt.
Nid verstaubt, sondern flexibel, modäärn dien mir walte,
um eso en attraktivi Alti Garde z’bhalte.
Frindschafte pflääge mit Frinde firs Lääbe,
guete Kontaggt zue de Junge und Stamm asträäbe.
Die Junge pflääge und stitze, das wird speeter au emool nitze.
Dr Umgang sott pfläggt und respäggtvoll sy,
das sinn unsri Wärt, as Di wool fylsch drby.
Näbe nem Pfyffe und em Drummle,
dien mir au mit de Passive bummle.
Me drifft sich zem zämme fyyre e Fescht
und s’gmietlig ha mit alle Gescht.
So wänn mir in Zuekunft, mir Alte,
ys an das Leitbild do vo dr Alt Garde halte.

Wär mechti gärn……

mitmache in dr SANS GÊNE Alti Garde?

Mer sueche glatti Kolleginne und Kollege, bi dääne dr Zahn vo dr Zyt langsam nagt.

Es hett allewyyl Platz in unserem Spiil, vor allem bi de Dambuure und au im Vortraab. 





 Kontakt Alti Garde

Niggi Reiniger (Obmaa)

Im Baumgarten 2
4402 Augst
061 813 15 80
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!