"Stolz uf unseri Tradizioon syt dr Grindig vo dr Glygge im Johr 1922 beglaited ys unseri Fasnachts-Gsellschaft ab em 7. bis zem 18. Altersjohr bi unserer Junge Garde, de Strizzi, denne bis ins Mittelalter bim Stamm und derno

bis ins hohe Alter in dr Alte Garde.

Nadyrlig gilt unseri Hauptsorg em Noowuggs,

wo mer mit Instruggzioon uf em Drummelbeggli

oder em Piccolo mit allne Greft ferdere; dernääbe verstehn mer ys als Vermittler vo dr Fasnachtskultur mit aaspruchvolle Fasnachts-Sujets und - Ziig -maischtens us aigener Hand. Unseri Frindschaft pflääge mer in unsere baide Glygge-Käller, syt 1942 däm am Gärbergässli, de maischte vo dr Fasnacht beschtens bekannt,

und syt 2001 däm an dr Innere Margrethe, wo Blatz het für d Fasnachtsvorberaitige, d Iebigsstunde

und unseri Versammlige und Feschter. Mit ebbe

60 Junggardischte (Strizzi), ebbe 90 Aggdive im Stamm und ebbe 50 Altgardischte luege mer zueversichtlig in e bliehendi Zuekumft."